Македонската Алпинистичка Федерација, со големо задоволство Ви го најавува, и Ве поканува да бидете дел од алпинистичкиот викенд на локалитетот Матка.
Целта на овој собир ќе биде, запознавање и качување со активни и искусни алпинисти, качувачи и ентузијасти за вертикалите. Заедничко дружење и повторување на основните принципи за безбедност при практикување на алпинистички и качувачки активности, и воедно запознавање со истите за сите нови и неискусни учесници.
- Добредојдени се сите, стари, нови, млади, возрасни, искусни, неискусни, љубители на вертикалниот свет на алпинизмот и качувањето по карпи.
- Во рамките на собирот, ќе биде организиран и заеднички ручек, во манастирот Свети Никола – Шишевски.
- Собирот е со официјален почеток на 12ти ноември (Сабота) во 8:30 часот.
