Алпинистите Ангел Куртелов и Александар Зарапчиев имаа успешно зимско искачување на насоката Абзел линија во слободен стил.
Еве што тие напишаа: Со Ангел под карпата бевме за првпат во зима. Не знаевме многу, или поточно речено – ништо за тоа што да очекуваме. Немавме целосно дефиниран план што ќе качуваме. Дојдовме со идеи и отворени опции, а околностите “нè натераа” да ја избереме „Абзел линија“, бидејќи изгледаше одлично и не погрешивме со изборот!
Насоката што ја избравме да ја качуваме и временските услови ни подарија идеална комбинација за зимско алпинистичко искачување: цврст смрзнат снег, замрзнати делници и по некоја карпеста секција. Совршени услови!
Привилегија е да се споделува ваков магичен момент со вистинскиот сопатник – некој кој ја разбира твојата страст и ја дели твојата решителност.
