Насока Милојкова

Facebook
Twitter
WhatsApp

На 17.11.2024 беше искачена првенствена насока “Милојкова” 160м, VI- во Демир Капија на Вардар ѕидот од страна на нашите членови Стефанија и Радован. Качувана е во водство и на прва во слободен стил, има 4 должини.

Пристапот е после вториот тунел и по фератата, на крај од фератата се врти десно и се оди нагоре до подножјето на карпата.
1. Должина е со оцена IV и 55м дожнина, оди в лево покрај 2 дрва до жлеб кој го следи до крај и по излегување се прави сидриште на дрво.
2. Втората оди влево накај жлебот но не го продолжува до крај туку влегува во еден превисен скок полево по кој се излегува на полесен терен до сидриште (два ковани клинови) на 45м, V+
3. Третата го следи жлебот во десно и излегува на полицата после 20м од лева страна на сидриште од 2 ковани клина. Оставивме 2 клина ин ситу.
4. Оди в лево во плочест дел со тесна пукнатина по која се напредува, со тежина од VI- каде поставивме 3 клина. После деталот се продолжува в десно над едно дрво и право по кршлив терен до излезот на насоката каде сидриштето го направивме на мало дрво и замка околу камен. Должина околу 50м.
За отстап го следевме гребенот в лево до последното сидриште на “Ребро без доручек” од каде абзелувавме. (има абзел станици на 30м)
Потребна опрема за качување на насоката сет френдови (ние користевме помали Тотеми и Блек Диамонд до 2ка), сет чокови, чекан, 2-3клинови, 12 комплети.
*Скица: https://ibb.co/XShR5PX

Првенствени насоки

“Независна” нова првенствена насока на Демир Капија – 210 метри / 4 должини / оцена IV/VI+

Со задоцнување објавувам за нова насока што ја искачивме летото со Радe и Стефанија.
Бидејќи беше качена на денот на независноста на Македонија – 8 септември 2024, го доби името Независна.

Покрај задоволството да се качуваат нови линии, за мене овој пат беше главен мотив да качувам со Радe и Стефанија, веќе силни алпинисти, но со помалку искуство во однос на нови насоки.

“Вторенствена идеја”, нова насока во Демир Капија, искачена на 03.09.2023

“Вторенствена идеја”, името на нова насока во Демир Капија која ја искачивме на 03.09.2023 со @radenabakov во традиционален стил користејќи френдови и чокови и само еден клин (кој и не е потребен во оваа верзија на насоката), на дел од локалитетот кој спонтано почнавме да го именуваме како Vardar Wall.

Трета смена

Први Качувачи : Зоран Мајсторски, Гоце Јовановски и Јован Станишков.
Должина и тежина : 200 метри 4 должини IV, VII А0 Карпа: Демир Капија
Местоположба : Насоката се наоѓа на левата карпа од реката Вардар во централниот дел, десно од специфичниот голем камин кој ја дeли карпта на два дела.